Ils chantuns reglan il giudicament da las scolaras e dals scolars. La persuna d'instrucziun fixescha sin basa da las finamiras da l'instrucziun, tge che las scolaras ed ils scolars ston savair ed è responsabla per il giudicament. Las prestaziuns vegnan valitadas cun notas dad 1 fin 6 (6 = meglra nota; 4 = suffizient; sut 4 = insuffizient). A la fin d'in semester u a la fin da l'onn da scola vegn emess in attestat che decida davart la promoziun. Rapports davart l'emprender n'èn strusch usitads. Il cumportament da lavurar e la motivaziun pon vegnir resguardads en il giudicament.